REDD'S MISS TALENT KUPATIKANA LEO.

Asili Yetu Tanzania.Copyright

Warembo wakiwa katika moja ya mitoko.

Mshindi wa taji hilo atafanikiwa kuingia hatua ya 15 Bora ya Redd’s Miss Tanzania, hivyo kuungana na washirii wengine wawili ambao wamefanikiwa kukata tiketi hiyo.

Warembo ambao mpaka sasa wamejihakikishia kuingia hatua hiyo ni Lucy Stephano, aliyetwaa taji la Miss Photogenic, Magdalena Roy anayeshikilia lile la Top Model na Mary Chizi aliyetwaa lile la Redd's Miss Tanzania Sports Lady.

Akizungumza na waandishi wa habari jijini Dar es Salaam jana, Afisa Habari wa Redd’s Miss Tanzania, Haidan Ricco alisema kila kitu kimekamilika na kinachosubiriwa ni kujua nani ataibuka na ushindi.

“Kutakuwa na burudani  kadhaa ambazo zitatolewa na wasanii maarufu hapa nchini, huku washiriki hao wa Redd’s Miss Tanzania nao watatoa burudani za kufa mtu kwa mashabiki.”

Ricco alisema katika shindano hilo linalotarajiwa kuanza saa 2 usiku, huku kiingilio kikiwa ni Sh 10,000.

Shindano la Redd’s Miss Tanzania kwa sasa linadhaminiwa na kinywaji cha Redd’s Original kinachozalishwa na Kampuni ya Bia Tanzania (TBL).