SOPHIA SIMBA, SHYROSE ILIKUWA NIPATASHIKA KATIKA UCHAGUZI WA (UWT)

Asili Yetu Tanzania.Copyright

Shy-Rose Bhanji, (Kulia), akionyesha uso wa hasira huku akitulizwa na mjumbe mwenzake, kufuatia tafrani kati yake na mwenyekiti wa Jumuiya ya Wanawake Tanzania UWT), Sophia Simba.

Mbunge wa bunge la Afrika Mashariki, Shy-Rose Bhanji, (aliyekaa), akitulizwa hasira na Waziri wa Nchi Ofisi ya Waziri Mkuu, Uwkezaji na Uwezeshaji, Dkt. Mary Nagu, wakati wa kikao cha uchaguzi mkuu wa Jumuiya ya Wanawake ya CCM, UWT, kwenye ukumbi wa chuo cha Mipango Dodoma Jumamosi Oktoba 20, 2012.

Mwenyekiti wa Jumuiya ya Wanawake ya CCM, (UWT), Sophia Simba, wakati akiingia katika ukumbi wa Mipango tayari kwa uchaguzi mkuu wa Jumuiya hiyo.

HALI ya hewa iliyochafuka wakati wa Uchaguzi wa Mwenyekiti wa UWT, imeeleza kuibua vita mpya kati ya mshindi wa kiti hicho, Sophia Simba  na aliyemuuliza swali la kichokozi, Shyrose Bhanji.Kwa mujibu wa chanzo chetu, Shyrose alichukizwa na kitendo cha watu walioonekana kuwa wafuasi wa Sophia ambao walimzomea kwenye ukumbi wa mkutano, baada ya yeye kuuliza swali lililotafsiriwa kuwa la kichokozi.

“Shyrose amesema watu wa Sophia wamemdhalilisha sana kwa kitendo chao cha kumzomea kiasi cha kutaka kumlazimisha atoke nje, kwa hiyo amesema hakubali na atapambana kwa sababu yeye ni mwanamke jasiri, asiyeogopa chochote,” alisema mtoa habari wetu.

Aliongeza: “Unajua ndani ya CCM kumekuwa na makundi makundi, nadhani Shyrose amesema atapambana kwa kuhisi kwamba Sophia anaweza kutumia nafasi yake ya uenyekiti wa UWT kumbania Shyrose kwenye harakati mbalimbali ndani ya chama".

SWALI LA UTATA

Kwa mujibu wa mtoa habari wetu, swali lililoibua mtafaruku wote ni lile ambalo Shyrose alimtaka Sophia aseme atawasaidiaje wanawake wa CCM kwa sababu tangu amekuwa mwenyekiti wa UWT miaka mitano iliyopita, hakuwahi kuonekana hadharani akifanya kazi za kukisaidia chama hicho.

JIBU LIKAWA HIVI

Chanzo chetu kikasema: “Sophia alijibu kwamba yeye ni mtu wa serikali, kwa hiyo anafanya kazi zake kwa utulivu tena chini kwa chini, siyo mbwatukaji. Akaongeza kwamba Shyrose amepewa ubunge wa Afrika Mashariki juzijuzi, kwa hiyo hawezi kujua kazi zinakwendaje”.

VITA ITAFIKA WAPI?

Kwa mujibu wa chanzo chetu, hali ilikuwa mbaya na bila busara za aliyekuwa mwenyekiti wa kikao, Profesa Anna Tibaijuka, ‘wapambe’ wa Sophia wangeweza kumtoa nje Shyrose tena kwa msobemsobe.

Imeelezwa kwamba Tibaijuka alizuia Shyrose kutolewa nje lakini hakuwa na amani baada ya watu hao kuendelea kumzomea.

Global Publisher