SEMINA NA MAONYESHO YA "TWENDE" NI KUANZIA TAREHE 8 HADI 20 MWEZI HUU KATIKA VIWANJA VYA MNAZI MMOJA JIJINI DAR ES SALAAM.

     Mgeni rasmi wa TWENDE 2011, Mh. Waziri wa Maendeleo ya Jamii, Jinsia na Watoto, Bi. Sophia Simba akishangazwa kwa umahiri na uzuri wa kazi za ubunifu za mmoja kati ya wajasiriamali wanawake walioshiriki Jukwaa la Wanawake Wajasiriamali Tanzania- TWENDE, 2011 katika viwanja vya Mnazi Mmoja jijini Dar es slaam. Pembeni yake kulia ni Mh. Jerry Silaa, meya wa Halmashauri wa wilaya ya ilala, na kushoto ni Musatafa Hassanali, mjasiriamali mbunifu na muasisi wa TWENDE.

    Waziri wa Maendeleo ya Jamii, Jinsia na Watoto, Mhe. Sophia Simba, mgeni rasmi wa TWENDE 2011, akiangalia bidhaa za ubunifu zilizotengenezwa na wajasiriamali wabunifu wa hapa nchini katika Jukwaa la Wanawake Wajasiriamali Tanzania- TWENDE, 2011 viwanja vya mnazi mmoja. Kulia ni meya wa Halmashauri ya wilaya ya Ilala Mhe. Jerry Silaa pamoja na Musatafa Hassanali, mjasiriamali mbunifu na muasisi wa TWENDE (kushoto).

     Washiriki wa TWENDE 2011, wakisalimiana na Waziri wa Viwanda na Biashara Dr. Cyril Chami mara baada ya waziri huyo kuwatembelea  katika banda lao na kujionea  bidhaa wanazotengeneza.

     Waziri wa Viwanda na Biashara Mhe. Dr. Cyril Chami akipokea maelezo juu ya ubunifu uliotumika katika utengenezaji wa bidhaa ya kiutamanaduni kutoka kwa mshiriki wa TWENDE, 2011 katika viwanja vya manazi moja jijini Dar es salaam.

     Washiriki wa Jukwaa la Wanawake Wajasiriamali Tanzania- TWENDE, 2011, kutoka mikoa tofauti ya Tanzania na nje ya nchi wakionyesha bidhaa zao katika viwanja vya mnazi mmoja jijini Dar es salaam.

SEMINA NA MAONESHO YA TWENDE NI KUANZIA TAREHE 18 HADI 20 YA MWEZI WA KUMI KATIKA VIWANJA VYA MNAZI MMOJA JIJINI DAR ES SALAAM.

WANAWAKE WAJASIRIAMALI KUELIMIKA, KUUZA BIDHAA ZAO NA KUKUZA MTANDAO WA KIBIASHARA KUPITIA JUKWAA LA WANAWAKE WAJASIRIAMALI TANZANIA- TWENDE

Jukwaa la Wanawake Wajasiriamali Tanzania- TWENDE linatarajia kufanyika kuanzia tarehe 18 – 20 ya mwezi wa kumi 2012 katika viwanja vya Mnazi Mmoja jijini Dar es salaam.

TWENDE imekuwa ikifanyika kila mwaka kwa mwaka watatu sasa tangu kuanzishwa kwake mwaka 2010, lengo likiwa ni kuwaleta pamoja wanawake wajasiriamali wadogo, wakubwa na wale wanaochipukia ili kupata fursa ya kuuza, kuonesha na kujadili masuala ya biashara kwa ujumla.

Sambamba na hilo. TWENDE inalenga kusaidiana na serikali katika kutimiza malengo ya milenia likiwemo lengo namba moja ambalo linalenga kuondoa umasikini, namba tatu kutetea haki na fursa sawa kwa wanawake, lengo namba tano kuhamasisha afya ya uzazi  na lengo  namba nane, ambayo ni  kuendeleza uhusiano wa kudumu kwa ajili ya maendeleo ya jamii. Pia TWENDE inalenga Kukuza uzalishaji kwa wanawake wafanyabiashara na kukuza mgawanyiko wa masoko sambamba na muonekano wa wafanyabiashara wanawake katika jamii.

Kwa upande wa mwaka huu TWENDE inatarajia kuwashirikisha wanawake wajasiriamali wengi zaidi ambao wamekuwa wakifanya biashasha tofauti ili kuweza kupata fursa ya kubadilishana uzoefu na kuongeza ujuzi zaidi kibiashara. Sambamba na semina bora zitakazotolewa kwa wanawake wote ambao watapata elimu itakayotolewa wataalamu wa fani mbalimbali 

Kwa miaka mitatu mfululizo TWENDE imekuwa ikitoa fursa kwa wanawake wajasiriamali kukutana pamoja na kujadili mafanikio na changamoto ambazo zimekuwa ni kikwazo cha wanawake wajasiriamali kutofikia malengo yao kibiashara.

“Licha ya kwamba wanawake wengi wamejikita katika sekta hii ya ujasiriamali, lakini bado wamekuwa wakikabiliawa na changamoto mbalimbali zinazokwamisha kufikia malengo yao, ikiwemo elimu ya ujasiriamli na upatikanaji wa mikopo, kwa hiyo ipo haja kwa wanawake kujijengea utaratibu wa kushiriki katika fursa kama hizi zinazowajengea uwezo”. Alisema Saphia Ngalapi Meneja Mradi wa TWENDE.

Zaidi ya Wanawake Wajasiriamali Wanawake 100 kutoka mikoa mbalimbali ya Tanzania Bara na Tanzania Visiwani wanatarajai kushiriki katika TWENDE mwaka huu, ampabo maonesho hayo yanakwenda sambamba na semina zitakazo tolewa kwa wanawake wote bure, kwa wale watakaoshiriki katika maonesho, na hata wale ambo watakuwa hawakupata frusa ya kuonesha na kuuza bidhaa zao.

KUHUSU TWENDE

Tanzania Women Entrepreneurs & Networking Development Exposition (TWENDE) inapanga kuleta maendeleo kwa wanawake wajasiriamali kwa kuandaa jukwaa ambalo litakua mahususi kuweza kukutana zaidi ya wanawake wafanyabiashara 100 wadogo, wakati na wakubwa kutoka viwanda vikubwa na vidogo, taasisi za serikali na mashirika yasio ya kiserikali (NGO).

Tanzania Women Entrepreneurs & Networking Development Exposition (TWENDE) pia inalenga kuyapa fursa makampuni kukutana yakikidhi malengo ya wahudhuriaji. Ni sehemu ya kuuza na kuonyesha bidhaa na huduma za kampuni mbalimbali kwa wafanya maamuzi. Maonyesho haya yataenda sambamba na mkutano wa siku tatu utakaotoa elimu bora kwa washiriki. Kwa habari zaidi tembelea www.twende.info

MTAZAMO WA TWENDE

Ni kuwaelimisha kuwahamasisha na kuwaendeleza wanawake Tanzania. Twende

CONTACT: Davis Mwijage

                :+255 712 847881

               davis@361tanzania.com

--

Hassan Mrope

PR TWENDE EVENT 2012

361 DEGREES

PR | EVENTS | MEDIA | Company

P.O.Box 10684, 105 Kilimani Road,

(Next to Embassy of France/Near NIDA Offices)

Kinondoni, Dar es Salaam, Tanzania.

Tel : +255 (0)22 266 8555

Mobile : +255 (0)713 441 892

Social Media : www.twitter.com/361tanzania

www.facebook.com/361TANZANIA

Web : www.361tanzania.com

           www.twende.info